Hyfforddiant ac Addysg

Croeso! Mae Fferm Denmark yn brosiect unigryw, ac mae'n cynnwys canolfan hyfforddi sydd â'r holl offer angenrheidiol ac sy'n cynnal rhaglen amrywiol o gyrsiau rhad ac ymarferol ym maes cadwraeth a byw'n gynaladwy.

Gweler Argaeledd cyrsiau am y rhestr o gyrsiau. O'r fan honno gallwch gadw'ch lle, gofyn am fwy o fanylion neu ofyn am hyfforddiant ychwanegol o dan y penawdau cadwraeth, arolygon bywyd gwyllt, adnabod rhywogaethau a byw'n gynaliadwy. Bydd hyn yn ein helpu i adnabod y galw wrth deilwra'r rhaglen barhaus. Mae rhagor o gyrsiau newydd, yn ymdrin â sgiliau arolygu ac adnabod rhywogaethau, bellach yn gynwysedig. Nodwch y wefan hon ar gyfer yr wybodaeth ddiweddaraf sydd ar ddod.

Rydym yn cynnig cyrsiau sy'n addas i weithwyr proffesiynol ym maes addysg a chadwraeth, tirfeddianwyr a ffermwyr, rheolwyr tir ac ymgynghorwyr defnydd tir, myfyrwyr a grwpiau o golegau – unrhyw un sydd â diddordeb brwd yn yr amgylchedd a chefn gwlad a'r bywyd gwyllt a geir yno. Caiff ein cyrsiau hyfforddi eu cyflwyno gan diwtoriaid, ecolegwyr a gweithwyr proffesiynol ym maes cadwraeth, ac maent i gyd yn bobl brofiadol iawn.

Yr adeiladau fferm gwreiddiol o gerrig wedi eu haddasu i'w defnyddio'n Ganolfan Hyfforddi

Y Ganolfan Hyfforddi ar Fferm Denmark

Tiwtor yn hyfforddi grŵp o fyfyrwyr ynglŷn ag adnabod rhywogaethau yn y maes

Richard Williams, ymgynghorydd ecolegol yr Ymddiriedolaeth, yn dysgu ein cwrs uchel ei gymeradwyaeth ar adnabod planhigion

Rydym yn cynnal:-

Gweithdai undydd sydd wedi'u cynllunio'n arbennig ar gyfer unrhyw un sydd eisiau rheoli peth o'u tir neu'r cyfan ohono mewn ffordd sy'n fwy caredig i fywyd gwyllt. Mae'r gweithdai'n cynnig canllawiau clir ac ymarferol.
Adnabod a chofnodi rhywogaethau bywyd gwyllt mwy cyffredin. Cwrs sydd bob amser yn boblogaidd!
Cyrsiau y gellir eu trefnu a'u teilwra i ddiwallu anghenion grwpiau penodol mewn perthynas ag amrywiaeth o asiantaethau cadwraeth a rheoli tir, megis Ymddiriedolaethau Bywyd Gwyllt, Y Fenter Goedwigaeth, BTCV, swyddogion cadwraeth a defnydd tir mewn Awdurdodau Lleol yn ogystal â myfyrwyr a grwpiau cymunedol.

Caiff ein cyrsiau eu cynnig am brisiau cystadleuol iawn, sy'n gwneud Canolfan Gadwraeth Fferm Denmark yn un o'r darparwyr hyfforddiant cadwraeth mwyaf cost-effeithiol yn y DU.

Gweler hefyd Cyfleusterau a Mynediad.

Cynlluniwyd ac adeiladwyd y wefan hon gan Syntactic

Mae'r ddogfen hon wedi'i chymryd o wefan y Shared Earth Trust, http://www.shared-earth-trust.org.uk . Gellir cysylltu â'r Ymddiriedolaeth ar 01570 493358.