“Byddwn yn ymweld â llawer iawn o ffermydd fel rhan o’n gwaith ac rydym yn cael y llyfrynnau’n fuddiol iawn. Yn aml, byddwn yn eu rhoi i’r ffermwyr oherwydd eu bod yn ddeniadol ac yn hawdd eu darllen, yn glir iawn ac yn seiliedig ar yr ymarferol. Mae yna lawer iawn o wybodaeth hirwyntog ar gael ar reoli cynefinoedd, ond yn ein barn ni eich llyfrynnau chi yw’r gorau!”
Julie Webber, Parc Cenedlaethol Arfordir Sir Benfro

“Mwynheais ddarllen y llyfrynnau yn fawr iawn – rwy'n credu y y byddant yn ysbrydoli yn ogystal â chynnig cyngor ymarferol.”
Brian Pawson, Cyngor Cefn Gwlad Cymru

Cadwch mewn cysylltiad â'n gweithgareddau yn rheolaidd fel cefnogwr, a'n cynorthwyoyn ein hymdrechion. Gweler tudalen Aelodaeth/Cyfrannu.

Cyhoeddiadau

Cyfres o lyfrynnau Cadwraeth

Yn llawn cipolygon treiddgar a gwybodaeth ddefnyddiol, mae'r gyfres hon yn seiliedig ar ein gwaith arloesol yn adfer bioamrywiaeth i'r cefn gwlad amaethyddol, ac mae wedi ei hysgrifennu ar gyfer unrhyw un sydd eisiau rheoli darn o dir gyda bywyd gwyllt mewn golwg. Maent yn glir, yn ymarferol, a chyda digonedd o luniau, ac felly'n ategiad perffaith i'n cyrsiau ar greu ac adfer cynefinoedd. Mae pob llyfryn 20 tudalen A4 mewn lliw llawn, gyda'r testun yn y Saesneg ac yn y Gymraeg.

Mae'r llyfrynnau ar gael am £3.50 yr un, yn cynnwys cost postio a phacio. Fel cynnig arbennig – gallwch brynu'r pump ohonynt am £12.50 yn unig (yn gynwysedig).

Cadwraeth ar gyfer Rhywogaethau Tir Gwlyb a Dŵr
Adfer, Creu a Rheoli Pyllau Bach
Cynllunio a Chreu Pyllau Mawr a Llynnoedd
Adfer a Rheoli Porfeydd Llaith
Trawsnewid Tir Pori a Reolwyd yn Ddwys

Er mwyn archebu, defnyddiwch ein ffurflen Cyswllt/Ymholiad. Printiwch y ffurflen a'i llenwi gan nodi'ch enw a'ch cyfeiriad, yna danfonwch hi atom ynghyd â siec yn daladwy i "Shared Earth Trust", neu gyda'r Ffurflen Archeb swyddogol. Mae'n ddrwg gennym nad ydym yn medru prosesu taliadau cardiau credyd.

Cylchlythyr Newyddion

Rydym hefyd, ddwy waith y flwyddyn, yn cynhyrchu Cylchlythyr ar gyfer ein cefnogwyr sydd yn llawn o erthyglau ac ysgrifau yn ymwneud â'r bywyd gwyllt ar Fferm Denmark, agweddau eraill o'n gwaith, a'r digwyddiadau sydd ar ddod. Am gopi enghreifftiol, danfonwch amlen A4 stampiedig wedi ei chyfeirio, gan ysgrifennu arni 'Cylchlythyr Newyddion Enghreifftiol'.

Cynlluniwyd ac adeiladwyd y wefan hon gan Syntactic

Mae'r ddogfen hon wedi'i chymryd o wefan y Shared Earth Trust, http://www.shared-earth-trust.org.uk . Gellir cysylltu â'r Ymddiriedolaeth ar 01570 493358.