Cysylltiadau Naturiol

Rhaglen gweithgareddau tymhorol, cysylltiedig â'r amgylchedd i grwpiau cymunedol

Rhaglen sy'n derbyn arian gan y Loteri Fawr yw Cysylltiadau Naturiol, a gydgysylltir gan y Shared Earth Trust a leolir yn Fferm Denmark.

Cysylltiadau Naturiol:

• Codi ymwybyddiaeth gan helpu i hyrwyddo gofal am yr amgylchedd
• Dod â phobl at ei gilydd gan gynnwys y rheini a fyddai fel arall yn ei chael hi'n anodd i gyfranogi
• Annog pobl i ofalu amdanynt eu hunain, am ei gilydd ac am yr amgylchedd

Mae Cysylltiadau Naturiol yn dangos pobl sut y gallant wneud gwahaniaeth i'w bywydau a'r lleoedd o'u cwmpas.

Sut mae Cysylltiadau Naturiol yn gweithio:

• Mae'r rhaglenni'n cynnwys gwahanol weithgareddau tymhorol, megis gwaith coed gwyrdd, garddio bywyd gwyllt, celf a chrefft a theithiau natur
• Bydd pob grwp cymunedol yn mynychu am 3-5 diwrnod yn ystod y rhaglen
• Ymweliadau preswyl neu undydd yn bosibl
• Bydd y grwpiau'n cydweithio ochr yn ochr â hwylusydd cymwys
• Cynhelir dathliad tymhorol ar ddiwedd pob rhaglen
• Ni chodir tâl ac mae cymorth ar gael ar gyfer trafnidiaeth

Rhaglen y Gaeaf 2009/10

Mae rhaglen y gaeaf 'Cyfaredd y Coed' bellach wedi cychwyn ac mae'n cynnwys grwpiau cymunedol mewn tasgau cadw coetiroedd, plygu perthi a chrefftau glasgoed. Mae pum grŵp yn gweithio ochr yn ochr â'r hwyluswyr profiadol, Tony Eames a Peter Drake. Mae un o'r grwpiau'n brosiect ieuenctid rhyngwladol dan nawdd UNA Cyfnewid, a byddant yn aros ar Fferm Denmark am bythefnos ym mis Ionawr.

Mae rhaglen y gaeaf eisoes yn llawn, ond bydd cyfleoedd i bobl i gymryd rhan mewn amrywiaeth o weithgareddau o dan fantell 'Prosiect Cynaliadwyedd', a fydd yn cychwyn ar ddechrau gwanwyn 2010. Gall prosiectau posibl gynnwys system ailgylchu dŵr glaw; goleuo solar a gosod dŵr poeth; ac adeiladu lloches bren syml.